單車清潔方法

很多車友都說WD 40在單車上用不得，但拿來抹車OK嗎？我成功地用WD 40抹走車架上的貼紙積。又聽說有人說用松節水（很臭的嗎？）等抹車。在價錢和性能上，哪種較為取得平衡？

單車清潔方法

一部單車有好多部份都會入水，好似 BB 心、車架等等，果D地方入水入得咁上
下就會打柴(車架例外，但係車架會積水…)所以就咁用水喉淋一定唔好﹗但係對
於架車如果係曾經入山，整到一車都係泥就可以用水喉，以較細o既水力先將D
泥沖走先。至於洗車o既方法，首先預備幾條毛巾，一盤清水，如果想再乾淨D
就用埋松節水洗埋鏈，再想好似我咁無聊想打埋蠟就預備多一支車蠟(Soft99軟
蠟)，兩舊海棉。

首先，用濕布抹D有油o既地方，例如鏈、飛輪、鏈餅果D，如果用松節水抹就用
油掃、牙刷將佢o地先洗乾淨﹗唔使拆出o黎，先倒少少松節水落一隻膠桶仔度，
之後用油掃將D松節水掃上飛輪、鏈，鏈餅度，一part 一part 咁洗，漏落o黎o既
松節水就用個膠桶接返住﹗用得咁上下就倒o左D松節水，換 D 新o既落隻桶度繼
續洗第二 Part，直到全部部份洗乾淨為止﹗但係記住，用松節水洗有油o既部份
就唔好再用水清多次。

之後就換一盤清水(因為上一盤水抹完D油之後有好多油o係度…)，之後再用濕毛
巾抹乾淨成架車，包括車架、車軨、軨支等等，抹完再用乾布抹乾。如果要打蠟
就等架車乾晒之後根據支蠟上面o既指示打，打完將D蠟抹好之後架車就立立令﹗
一般打蠟o既方法係同私家車打蠟都係一樣，以軟蠟計，先將少少蠟水或者蠟膏倒
落海棉度，之後o係車架上不停前後郁動咁打蠟，直至車架上有D蠟跡出現，而打
完某一部份之後，就要再打少少蠟o係梅棘上再打第二部份，直至全個車架都打
晒，再等大約五分鐘，就用全乾o既毛巾或者布依先前打蠟部份o既次序將車架上
o既蠟跡抹走。等所有蠟跡都抹走晒之後，打蠟過程就完成喇﹗再一提係如果車架
上有D污跡，可以用有除污功能o既車蠟o係車架打圈上蠟o既程序上特別打多少少
果個位，等D污跡一路咁甩就可以喇﹗

之後就同架車加返D油(如果用松節水洗完，就要加得更加全面性o忝﹗鏈油落少少
o係條鏈度，慢慢搞下個鏈餅，同埋等佢轉勻咁多個波段，D鏈油就會勻循o架喇
﹗唔夠再加少少就得﹗)，之後成個洗車過程就大工告成喇﹗